Parikan jan nylekamin
Parikan kuwe puisi klasik kang Banyumas
kaya pantun neng Tlatah Minang
sing nggo sesrawungan nggo pedinan
gendhu gendhu rasane wong cilikan
Parikan jan mbleketaket
Parikan nggo saur sauran neng jagad maya
nggo glewehan wadan wadanan geculan
nganggo basa ngapak cirine wong tani tlatah ngapak
sing adoh ratu cedhek watu
egaliter thok melong cablaka asal njeplak
langka sing lara ati
apa maning kesuh ngumpa umpa
kuwe tuli kaum
deles cindhek sing emosian gampang njeblug
Parikan
jaaan penjorangan
Tembunge munthuk, njengat, apem, nylempet enak tunggane
saru porno merguyokna nggo tamba puyeng kakeyen utang
Parikan
jaaan urakan tapi mlesondo
Para dulur Banyumas
parikan ana dhemange sing uga presiden geculan
parikan uga ana presidene presiden parikan kang Kracak Ajibarang
lha kiye gari nggolet bupatine
Bupati Parikan Banyumas
Bupati Parikan Banyumas?
sapa kuwe mayuh degoleti desengkuyung
wong sing dhemen uga sering gawe parikan
kuwe nandani watek merakyat blakasuta catcut taliwanda ngguli nyambut gawe
pas dadi bapak wong ngapak
Kanca kanca
mayuh desengkuyung kuwe Bupati Parikan Banyumas
kon dadi bapak warga ngapak
Jaaaan ....
paaaasss!
Praketa,
Rebo, 29 Mei 2024
Lagi ngopi putih ngeplok tahu jengki
Posting Komentar